Latest News

Meilam tha taka sial thin nise

Meilam tha taka sial thin nise

Kum bul kan tan a, Mizo mipui tam tak te chuan eizawnna kawng zawh tanin Lo kan vat leh duai tawh a, thla thar mai-ah Lo hal hun bithliah a tawp dawn avangin Lo hal a hun chho nghal dawn a, kangmei laka kan vah loh ram zau tak kang thin hum turin tun atangin Lo vattu ten Mei lam zau tha taka kan sah/sial a pawmawh hle mai a. Kumtin eizawnna-a kan mamawh avangin Lo kan vat thin a, hei mai baka kan fimkhur tawk loh avanga kan vah loh thleng ram zau tak kan tikang thin hi kan tihtawp-a, kan vah bak ram te humhalh tura nasa zawka kan fimkhura hma kan lak hi a tulin a pawimawh tawh hle a ni.

Mizoram hi India ramah ramngaw, ngaw hring tha nei tam State nia sawi kan ni thin a, amaherawh chu ramngaw dur tha erawh kan nei tlem em em tawh thung a, kan ngaw hring neih te pawh kumtin Lo atana kan vah thin avangin a chereu tial tial a, kan sawrkar in Mizoram ti hring turin ‘Green Mizoram Day’ te han buatsaih bawk mah se kumtin-a kan ngaw vahchhiat leh kan thingphun erawh a inmil theih si loh avangin Mizoram in ngaw kan neih chu a tlahniam tial tial zel dawn ni te pawhin a lang a ni.

Mihring te leh kan ramngaw neih te mai bakah nungcha hrang hrangte kan in ma-mawh tawn dan chu a nawlpui chuan kan hre vek tawhin a rinawm. Amaherawh chu kan dinhmun leh khawsak in ala zir rih miau loh avangin kumtin Lo neih tur vah erawh kan la kalsan theilo a ni a. Chutihrual chuan Lo kan nei dawn a nih pawhin kan vah bak ram kan tihkan thin te hi a thlen lohna turin fim-khur deuh deuh ila, chumi atan chuan Lo nei tur reng reng ten Mei lam tha takin i sial thin teh ang i khai.

Comments

Chhiar Hlawhte