Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Kan ram mamawh mil, kan ram mila ram kaihruai turin kan inbuatsaih - Lalhmangaiha Sailo

Peoples' Conference (PC) Party President, Lalhmangaiha chuan kan ram mamawh mil, kan ram mil-a ram kaihruai turin an inbuatsaih tih a sawi.

PC Party in nimin-a Mizoram mamawh zirhona an buatsaih ah he thu hi sawiin an President, Lalhmangaiha Sailo chuan an Party in sawrkar a kalpui dan tur a sawi a, “Kan sawrkar neih thin ten kan ram mamawh leh kan ramin hmasawnna tur atana Pathian min peksa thil hlu te hmang tangkai zawnga hmâ la lova, an duh dan mil a min kalpui thin avangin hma kan sawn chak lo a, kan ram kan tichhe zel a ni,” a ti a. Sawrkarin hmasawnna hna a thawhnaa mipui mamawh leh Pathian in kan ram leh hnam tana hmasawnna tur atana min pek sa ngaih pawimawh a nih loh thin thu sawiin, kan ram siam tha a, ram tichhe lova chak taka hmasawnna kalpui a tul thu a sawi a, “Kan ram leh hnam tana MLA inthlan lo awm leh atanga sawrkar turin kan inbuatsaih a. Kan ram mamawh mil, kan ram mila ram kaihruai turin kan inbuatsaih a ni,” a ti bawk.

PC Party chuan Mizoram Mamawh Zirhona hi huam zau zawk leh changtlung zawka kalpui zel tura tih a ni tih sawiin, zau taka mipui ngaihdan leh duh dan khawnkhawm a, mithiam te nena la sawiho leh thuai tura tih a nih thu an sawi bawk.

Comments

Chhiar Hlawhte