Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Tuihna humhalh tura tan lak a tul

Tuihna humhalh tura tan lak a tul

PHE Department in hun rei tawh tak atanga an lo buaipui, Chingchhip khua leh Sainik School tana Tui lakna chu hlawhtling taka enchhin a ni ta a, hetianga kan sawrkar Department ten hlawhtlinna ropui tak changa mipuite Tui mamawhna an phuhruk thei tur nia a lang hi a lawmawm hle mai. Nitin kan khawsakna ah Tui kan mamawhna a sang tial tial a, mihring kan pun reng avangin kan mamawh a pung lo thei lo. Chutihrual chuan kan Tui hna a tlem tial tial bawk si nen kan sawrkar tan pawh sum tam tak seng-a Tui lakna ngaihtuah hi mipuite mamawh phuhruk nan thil tul tak a ni chho zel dawn a ni.

Tunlai khawvel in a buaipui nasat tak pakhat chu Tui chungchang hi a ni awm e. Kan ramah ngei pawh sawrkar lama hemi buai-puitute bakah kan tlawmngai pawl lian ber YMA te pawhin Tuihna humhalh leh a awmsa tihpun kawngah nasa takin hma an la tawh thin a, hmun tam takah chuan a hlawhtlinna te pawh hmuh tur a awm tawh a. Amaherawh chu hetiang lam ngaihtuah leh bengkhawn kan la tlem lutuk te, a tulna leh pawimawhna hria kan la tlem lutuk leh hmalak tul la ti lemlo kan la tam hian hemi kawnga hmalakna hi a ti chak hlei theilo pakhat niin a lang.

Amaherawh chu mihring kan pun zel avang leh kan khawsak phung hrang hrang ah Tui kan mamawhna hi a san zel avangin nitin-a kan tui hmanral pawh a pung zel dawn a ni. Chutihlai-a kan tuihna a kangchah zela kan tui hmuhna a tlem zel chuan nakin lawk ah chuan Tui harsatna nasa zawk hi kan la tawk ngei dawn tih a lang reng tawh a. Hei vang hian tuna Tuihna humhalh tur kan la neih ang ang te hi humhalh-a tipung turin tan kan lak thar hi a tul hle a ni.

Comments

Chhiar Hlawhte