Latest News

House-ah ramri-a sumdawnna chungchang sawi

Parliament Session neih mekah nimin khan Mizoram Rajya Sabha MP, K.Vanlalvena chuan Zero Hour-ah Zokhawthar-a Indo-Myanmar Border Trade Centre khar chungchang leh a kaihhnawih thil thlengte a sawi.

Nimin-a Parliament-a thu a sawina ah hian Mizoram Rajya Sabha MP, K. Vanlalvena chuan Coronavirus hripui leng avangin Zokhawthar-a Indo-Myanmar Border Trade Centre chu nikum April thla atanga khar a nih thu sawiin, hetihlai hian sumdawng mi thenkhat ten sawrkar hriatpui lohin hmun 7 velah ramri kaltlangin motor kawng an siam thu a tarlang a. Heng kawng laih thar kaltlang hian ramdang bungraw thahnem tak dân lovin Mizoram-ah a lut a. Heng te hian sawrkar hnenah eng Chhiah mah an chawi loh thu a sawi a ni.

Sawrkar hriatpui lohva heng kawng laihchawpte hi dan lova sumdawnna (smuggling) kawngpui hlunah a la chan mai a hlauh thawn thu sawiin K. Vanlalvena chuan, hun lo kal zel turah harsatna lian zawk thleng thei pumpelh nan a rang thei ang bera Zokhawthar Border Trade chu hawn chhunzawm a nih theih nan Central sawrkar chu a tul ang te bawhzui a, hma la thuai turin a ngen a ni.

Comments

Chhiar Hlawhte