Latest News

Chanchin thar thenkhat :

STAM-Proficiency Award hlan

Science Teachers' Association, Mizoram (STAM) buatsaihin nimin khan Directorate of School Education Conference Hall, Aizawl-ah High School Leaving Certificate Examination (HSLC) 2021 leh Higher Secondary School Leaving Certificate (HSSLC) Examination 2021-a Science leh Mathematics Subject-a mark hmu sang ber (Topper) te hnenah ‘STAM Proficiency Award’ hlan an ni a, he hun hi School Education Department Director James Lalrin-chhana chuan hmanpuiin STAM chanchina hming chuang tawh Proficiency Award dawngte chu zirna sang zawkah hriatzui tlak ni zel tura theihtawp chhuah turin a chah bawk.


MZP in chawimawina hlan

MZP Sub-Hqrs. Vairengte chuan niminpiah khan St. Henry School, Vairengte-ah an huam-chhunga Graduate leh Degree nei tharte chawi-mawina hun an buatsaih a, he hun hi Kolasib DC Dr. H. Lalthlangliana chuan hmanpuiin zirlaite chu zir sang mai ni lova, lehkhathiam leh hman-tlak nih tum turin a fuih a, “Zirlaite zing a mi hlawh-tling tam berte chu lehkha zir sang leh thiam theite aiin mi rilru chak lo zawka ngaihte an ni thin,” tiin Zirna-ah hian rilru chak ringawt hi a pawi-mawh tawk lova, zirlaite tan theihnghilh neih chu a pawi ber tih a sawi bawk. He hunah hian Graduate leh Degree nei thar mi 33 hnenah chawimawina hlan an nih bakah Vairengte MZP-a President lo ni tawh te chawimawina hlan an ni bawk.


Deputy CM in mipuite chah

Mizoram District hrang hrangah tun thla ni 2 atanga Faina Hapta hman chu nimin khan a kharna hun hman a ni a, Aizawl-ah chuan UD&PA Department changtu Deputy Chief Minister Tawn-luia hova hun hman niin Faina Hapta chu khar ni mahse faina kawnga hmasawn theih nan hmalam atana ke pen tirtu, a bultanna ni a hmang theuh turin kalkhawm te a chah a. Faina leh thiang-hlimna lam hawi hmasawnna rahbi thara hlang-kaitu ah hman tur a nih thu a sawi bawk.


ZPM in raltlan te tanpui

ZPM Party chuan nimin khan Aizawl-a an Party Office-ah Myanmar Raltlan tanpuina thilpek hlanna hun an hmang a, he hunah hian NGO for Myanmar aiawhte hnenah sumfai Rs.1,53,970/- bakah mutbu leh thawmhnaw bag 380 leh bungbel bag 31, a vaiin bag 469 an hlan a ni. He hunah hian NGO for Myanmar aiawhin Lalramlawma Chhangte chuan ZPM Party khawngaihna leh lainatna dawngtu raltlan ten tangkai tak an thilpek hi an hmang ngei ang tiin lawmthu a sawi bawk a ni.


Gas man bithliah thar

IOCL in Revised Retail Selling Price a tih-chhuah angin, Mizoram chhunga eirawngbawlna Gas man tur chu bithliah thar a ni leh ta a, hemi ang hian Vairengte tihloh Mizoram hmun dang zawngah chuan kg. 14.2 a rit Domestic Cylinder chu Rs. 1051/- a ni anga, Commercial Cylinder kg. 19-a rit chu Rs. 2060/- a ni thung ang. Eirawngbawlna Gas hi Delivery Point ruatah te semchhuah a nih chuan bur khat ah Rs.7.53 zel belh tur a ni ang.

Comments

Popular News (Last 30 Days)