SBM (U) Ambassador te an hnathawh dan tur hrilhfiah

/

Serchhip District chhunga Swachh Bharat Mission (Urban) hnuaia Brand Ambassador tura ruat te chu nimin khan an hnathawh tur hrilhfiahna neih a ni.

SBM (U) hnuaia Brand Ambassador tur hian Serchhip Town chhunga VC area tin atangin mi pakhat theuh ruat niin heng mite hnathawh dan tur inhrilhfiahna hi nimin chawhnu khan Serchhip-a UD&PA Conference Hall-ah neih a ni a, he hunah hian Lawmzuali, Manager NULM chuan heng Ambassador an ruat te chu faina leh thianghlimna kawnga mipuite zirtira an rilru pawh hneh thei tura beisei an ni tih a sawi a, kum 2024-ah chuan Serchhip khawpui chu bawlhhlawh- tawih thei, tawih theilo leh mihring tana hlauhawm te zaa za thliarhrang thei tura an lo puan tawh thu sawiin, tunah hian bawlhhlawh te sawngbawlna tur hmun an buaipui mekah hnathawh tur zaa 80 zawh a nih tawh thu sawiin, hei vang hian bawlhhlawh sawngbawlna hi hman thuai theih beisei a nih thu leh tuna tanga bawlhhlawh thlirhran lo kalpui tan chu a tul thu a sawi a, chumi kawngah chuan Ambassador te pawhin hma an lak a tul dawn thu a sawi bawk.

Hei bakah hian Mizoram khawpui fai thlanna ah Serchhip khua chuan lawmman pakhatna hial lo la tawh mah se nikum lamah kan tlak-hniam leh deuh avangin kumin ah hian lawmman pakhatna la thei tura kan tanrual a tul thu sawiin, hemi kawngah hian Ambassador te chu an pawi-mawh dawn thu a sawi bawk.

He hunah hian Ambassador te hnathawh tur hrang hrang leh faina kawnga an ngaih pawimawh hrang hrangte an sawiho bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »