Sawrkar laipui mi pawimawh te hnenah thlen

Zonuna Kawlni /

Mizoram sawrkar aiawh MP leh MLA bakah sawrkar mi pawi-mawh te chuan niminpiah khan sawrkar laipui-a Secretary thenkhat te an kawm.

Mizoram sawrkar aiawh Rajya Sabha MP K.Vanlalvena, Mamit bialtu MLA leh RIDB Vice Chairman H. Lalzirliana leh Er.Vanlal Duhsaka, Member RIDB te chuan niminpiah khan Union Ministry a Secretary pahnih - Giridhar Aramane Secretary, MoRTH (Ministry of Road, Transport and Highways) leh Tarun Kapoor, Secretary, Petrolium and Natural Gas bakah NHIDCL (National Highways and Infrastructure Development Corporation Ltd) Managing Director Mahmood Ahmad te hmuin NH-44A, Sairang to Tripura kawng Central atanga hun rei tak sum release loh avanga zawh hleih theih loh chu a rang thei ang ber a tih fel sak thuai a tul thu te, Bairabi - Mamit Kawngpui chu double Lane highwaya siam tur te, Tipaimuk kianga Manipur leh Mizoram inkar Lei (bridge) atana sanction awm tawh hna tan thuai tur te, Tlabung bul Khawthlangtuipui chunga meter 204-a sei, Lei dawh tura DPR siam zawh tawh chu pawmpui tur te, Saisihchhuah panna double lane road siam chungchang te, Aizawl - Tuipang Double lane hi Mizoram chhim tawpa Chhimtuipui kam-a Lawng thlen theihna khua Lomasu thlenga double lane a extend a tul thu te Giridhar Aramane leh Mahmood Ahmed hnenah te hian an thlen a. MoRTH Secretary chuan Minister aiawha lo dawngsawngin an thu thlen chu a rang thei ang bera bawhzui a nih tur thu a lo hrilh a ni.

Mizoram aiawh te hian Tarun Kapoor, Secretary Petroleum and Natural Gas pawh a Office Chamber-ah kawmin Meidum hmuna Natural Gas, ONGC ten an chhut danin 2.28 Billion Standard Cubic Metre (BCM) Natural Gas awm ngeia an hriat chu Mizo mipuite hman theih tura a rang thei ang bera lak chhuah a tul thu te an thlen a. Guwahati - Silchar Gas Pipeline chu Aizawl thlenga extend tur te, Bairabi leh Sairang-a Oil Depot siam turte, Mualkhang Bottling Plant tuna khar mek chu a tihlenna tur ram te tih fel thawkhat a nih tawh avangin hmalak thuai nise tih te leh Aizawl-a CNG Filling Station din tur te in ngenna an thlen bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »