Mizoram-ah hri kai hmuhchhuah zat tlahniam zel

Mizoram-ah ni tin-a COVID-19 kai hmuhchhuah chu a tlahniam chho zel a, niminpiah khan Mizoram-ah Sample 6614 enfiah niin heng atang hian hri kai mi 592 hmuh an ni a, Sample enfiah atanga za zela 8.95 te chuan hri hi an kai a ni.

Niminpiah khan ZMC-a RT-PCR Laboratory-ah Sample 357 enfiah niin heng atang hian COVID-19 hri kai mi 54 hmuh an ni a, an vai hian Aizawl District-a sample lak vek niin Veng leh khua 20 atanga hri kai hmuhchhuah te an ni a, hri kai hmuhchhuah tamna ber Aizawl Dinthar-ah hri kai mi 10 hmuh an ni. Hei bakah hian Fluorescent Immunoassay Test hmangin Sample 18 enfiah niin hri kai mi pakhat hmuh a ni bawk a, Aizawl khawpui chhung ami a ni bawk.

Nimin khan Aizawl leh Kolasib tihloh District hrang hranga TrueNat Laboratory-ah Sample 306 enfiah ni bawkin hri kai mi 53 hmuh a ni bawk a, heng zinga 12 te chu Hnahthial District-a hri kai hmuh te niin Lunglei District-ah 10, Mamit District-ah 9, Champhai District-ah 8, Serchhip District-ah 7, Siaha District-ah 5 leh Lawngtlai District-ah hri kai mi 2 hmuh an ni bawk.

Heng bakah hian Rapid Antigen Test hmangin Sample 5933 enfiah a ni bawk a, heng atang hian hri kai mi 484 hmuh niin an zinga 207 chu Aizawl District-a hri kai hmuhchhuah te an ni a, Lunglei District-ah 83, Serchhip District-ah 45, Mamit District-ah 38, Champhai District-ah 36, Khawzawl District-ah 24, Hnahthial District-ah 23, Siaha District-ah 18, Saitual District-ah 5, Kolasib District-ah 3 leh Lawngtlai District-ah hri kai mi 2 te hmuh an ni.

Mizoram-a COVID-19 hri kai te zingah nimin khan tlai dar 5:00 thlengin mi 246 te enkawl dam niin anmahni enkawlna hmun atanga chhuahtir an ni ve leh a, heti hian nimin tlai dar 5:00 thleng khan Mizoram a hri kai hmuhchhuah chu 1,20,088 niin an zinga1,12,846 te chu enkawl dam niin hri kai hmuhchhuah atanga za zela 93.97 te chu enkawl dam an ni tawh a, hri kai enkawllai 6815 an la awm mek a ni.

Mizoram-a COVID-19 hri kai te zingah nizan hmasa dar 8:00 hnu lamah mi pahnih boral awm lehin nimin khan tlai dar 5:00 thlengin hri kai boral an awm belh lova, heti hian nimin tlai thleng khan Mizoram a hri kai zingah mi 427 an boral tawh a ni.