Mat phai-a Scooty chesual-ah mi pakhat boral

Nizan hmasa zantir lam khan C. Lalduhawma (59), Serchhip Darnam Veng chu Serchhip Mat phai panna kawng-ah Scooty chetsualna avangin a boral.

Thudawn danin Valduha tia hriat lar, C. Lalduhawma h/o Hunherliani, Darnam Veng hi a thian dangte nen Serchhip Mat Phai Chawm kai bulah riakin a ramriahpui, Lalduhkima (42) s/o Thangchhuana, Dinthar Veng nen mamawh lam turin niminpiah khan an rawn haw a, tlai ah zanriah ei hman tura let tura ngaih an nih laiin an rawn let tak mai loh avangin an ram riahpui te hian biak an tum a, an phone tlang theih tak loh avangin zan dar 7:30 velah zawng turin an chhuak a, Serchhip Mat phai, Zawlpui leh Chawm kai peng bul mai-ah an chesual hi an hmu ta a ni.

Lalduhkima chuan Scooty hi a khalh a ni tih sawiin, a break a fail avanga an din theih loh hnuah kawngthlang ah an tlan liam niin a lang a, kawngthlang ah hian ft. 20 vel lumin a hmun ah hian C. Lalduhawma hi a boral nghal a, a ruang hi an In-ah lak nghal niin nimin khan Postmortem a nih hnuah vuiliam a ni. He Scooty khalhtu Lalduhkima hi Serchhip damdawi In rawn panpui niin hliam na vaklo a tuar niin a lang a, First Aid pek a nih hnuah chhuahtir a ni.