Chanchin thar thenkhat :

/

LESDE in ZMC-ah hlan

Labour, Employment, Skill Development & Entrepreneurship (LESDE) Department leh ZMC tangkawp hmalaknaa COVID-19 hri leng dona hmanrua Govt. ITI Aizawl in an siam Bio-Medical Waste Trolley 7 (pasarih) chu nimin khan LESDE Secretary Lalramsanga Sailo IRS chuan a thawhhnihna atan ZMC-ah a hlan a, heng hmanrua siamna atan material-te hi Zoram Medical College (ZMC) in a tum a, Govt. ITI Aizawl-in a thlawnin an lo siam sak ve thung a ni. Hemi hmalam kumin Sept. 21 khan Oxygen Cylinder Trolley 20 (sawmhnih) leh Bio-Medical Waste Trolley 3 (pathum) chu ZMC-ah hian hlan a lo ni tawh bawk a ni. 


MYC in thawhhona tur ziak

Mizoram Youth Commission (MYC) in thalaite ten eizawnna atana Music an hman theihna tur dap kawnga a thawhpui, North East Wave nen tangkawpin, Mizo thalai, music lama tuimi te leh zaimi ten an thiamna hmanga ei an zawn theihna tur atan te, anmahni promote nan leh chawikanna tur atan Musiconnect Asia leh Centre for Creative Excellence te nen thawhhona thuthlung chu nimin khan MYC Conference Hall, Aizawl-ah an ziak a, he thawhhona thuthlung-ah hian MYC aiawhin an Chairman, Dr. Vanlaltanpuia MLA leh Music Connect Asia aiawhin Acting President, Kaushik Dutta ten an hming an ziak a ni. Musiconnect Asia nen hian mimal leh band promote na tur te, training neihna tur kawngah te leh kawng dang dangah hma an la dawn a ni.


Minister in lung phum

Rural Development Minister Lalruatkima chuan nimin khan Saitual-ah District Rural Development Agency (DRDA) Office Building sakna tur lungphum a phum a, DRDA Office Building thar hi KVI Complex hmunhma a sak tur niin nakum April thla ah sak zawh hman tura ruahman a ni. Saitual DRDA-ah hian Project Director bakah thawktu mi 8 awm mekin Saitual District chhungah hian khua 44 a awm mek a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »