Mizoram-ah hri kai 1302 hmuh belh leh an ni

/

Niminpiah khan Mizoram-ah Sample 9749 enfiah ni lehin heng atang hian COVID-19 hri kai 1302 hmuh belh leh an ni a, Sample enfiah atanga za zela 13.35 te chuan hri an kai a ni.

Niminpiah khan ZMC-a RT-PCR Laboratory-ah Sample 1892 enfiah niin heng atang hian hri kai 362 hmuhchhuah leh an ni a, an vai hian Aizawl District-a Sample lak vek niin Veng leh khua 65 ami te an ni. Fluorescent Immunoassay Test hmangin Sample 157 enfiah niin heng atang hian hri kai 28 hmuh an ni bawk a, an vai hian Aizawl khawpui chhung ami te vek an ni.

District hrang hranga TrueNat Laboratory-ah niminpiah khan Sample 301 enfiah niin hri kai 70 hmuh an ni bawk a, Champhai District-ah hri kai mi 29 hmuh niin Lawngtlai District-ah 13 leh Lunglei District-ah 12 hmuh an ni a, Kolasib District-ah 8, Mamit District-ah 5, Aizawl District-ah 2 leh Saiha District-ah hri kai mi pakhat hmuh an ni.

Rapid Antigen Test hmangin Mizoram-ah Sample enfiah 7399 awm bawkin hri kai 842 hmuh an ni bawk a, Aizawl District-ah 336, Lunglei District-ah 135, Champhai District-ah 84, Lawngtlai District-ah 81, Kolasib District-ah 69, Siaha District-ah 44, Mamit District-ah 43, Serchhip District-ah 36, Hnahthial District leh Saitual District-ah mi 6 ve ve leh Khawzawl District-ah hri kai mi pahnih hmuh an ni bawk.

Nimin khan tlai dar 5:00 thlengin Mizoram hmun hrang hrangah hri kai enkawl dam mi 508 an awm belh leh a, heti hian nimin tlai dar 5:00 thleng khan Mizoram-a hri kai hmuhchhuah chu 1,02,629 niin an zinga 86,721 te chu enkawl dam an ni tawh a, hei hi hri kai hmuh atanga chhutin za zela 84.50 a ni a, tunah hian hri kai enkawllai 15,566 an la awm mek a ni.

Hetihlai hian Mizoram-a hri kai zingah nizan thleng khan mi 342 zet an boral tawh a, nizan hmasa khan zanrei lamah hri kai mi 4 boral awm belh lehin nimin khan hri kai pakhat a boral leh bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »