Latest News

World Skills Competition-a tel turte thlahna nei

Themthiamna hmanga intihsiakna lian ber, Sanghai, China-a 'World Skills Competition 2022' neih tura India aiawh tur thlanna kal zelah Regional Competition-a tel tur Mizoram thalai 15-te chuan Inrinni khan Mizoram an chhuahsan.

Labour, Employment, Skill Development & Entrepreneurship Department buatsaih, Trade 12 hmanga intihsiakna, State Level Skills Competition-a tithate chu Regional Skill Competition, Patna, Bihar-a neih turah an tel dawn a, he intihsiakna hi tun thla ni 20khian neih tur niin Mizoram aiawh tura thlanchhuah mi 15-te hian Inrinni khan Mizoram an chhuahsan a ni. Mizoram State aiawh turte hi mi 15 niin, Trade 11- Bakery, Beauty Therapy, Hair Dressing, Electrical Installation, Welding, Carpentry, Fashion Technology, Painting & Decoration, Floristry, Hotel Reception leh Plumbing & Heating-ah te an tel dawn a, LESDE Department Officials pali (4) ten an kalpui a ni.

Themthiamna hmanga intihsiakna lian ber, India Skills 2021 Regional Competition-ah hian State leh UT 30 atangin mi 1,500 chuang an tel dawn a, Zone 5-ah intihsiakna hi kalpui tur niin, North East leh East Zone bik intihsiakna hi Patna, Bihar-ah nghah a ni.

Comments

Popular News (Last 30 Days)