Hri kai 59 hmuh belh leh

Zonuna Kawlni /

Nimin khan Serchhip District-ah COVID-19 hri kai mi 59 hmuh belh niin hri kai zingah mi 82 enkawl dam an ni thung.

Nimin-a hri kai hmuh thar mi 59 zinga 36 te hi Serchhip khawpui chhunga hri kai hmuhchhuah niin Keitum-ah 15, Chhingchhip-ah 3, Thenzawl leh Bungtlang-ah 2 ve ve leh Chhiahtlang-ah pakhat te an ni a. Nimin lama kan rawn tarlan bakah niminpiah khan IOC Veng-ah hri kai mi pahnih hmuh ni bawkin TrueNat Laboratory atangin hri kai mi 3 hmuh an ni bawk.

Serchhip District-a hri kai zingah enkawl dam awm belh zelin nimin khan mi 82 zet enkawl dam an awm belh a, heti hian nimin tlai thlenga Serchhip District-a hri kai hmuhchhuah chu 3180 niin an zinga 2534 te chu enkawl dam an ni tawh a, hei hi hri kai hmuhchhuah atanga chhutin zaa 79.68 te chu enkawl dam an ni tawh a. Tunah hian hri kai enkawllai 639 la awmin hri kai zingah mi 7 an boral tawh bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »