Hri kai 3826 an tling tawh

Nimin thleng khan Serchhip District-ah COVID-19 hri kai mi 3826 hmuhchhuah ni tawhin an zinga 3076 te enkawl dam an ni tawh.

Nimin khan Serchhip District-ah COVID-19 hri kai mi pahnih hmuhchhuah leh niin Hmar Veng leh New Serchhip Veng ami te an ni a. Inrinni khan Serchhip District atanga ZMC-a Sample enfiah tura thawn 22 atangin hri kai mi 4 hmuhchhuah an ni a, an vai hian Thenzawl khua vek an ni a. Rapid Antigen Test hmanga Sample enfiah 239 atangin hri kai mi 61 hmuh ni bawkin New Serchhip-ah hri kai mi 21 zet hmuh belh leh an ni a, Chhiah-tlang-ah mi 11 hmuh ni bawkin Keitum-ah 7, Thenzawl-ah 4 leh Hriangtlang leh Khawbel khaw mi pakhat te niin a bak hi Serchhip-a Veng hrang hrang ami te an ni.

Serchhip District-a hri kai zingah Inrinni khan mi 43 enkawl dam niin nimin khan mi 73 enkawl dam an ni leh a. Heti hian Serchhip District-a hri kai hmuhchhuah chu 3826 niin an zinga 3076 te enkawl dam ni tawhin hri kai zinga zaa 80.39 te enkawl dam an ni tawh a, hri kai enkawllai 740 la awmin hri kai zingah mi 9 an boral tawh a ni.