Mizoram-ah hri kai 737 hmuh belh leh an ni

/

Niminpiah khan Mizoram-ah Sample 7833 enfiah niin heng atang hian COVID-19 hri kai 737 hmuh leh an ni a, Sample enfiah atanga za zela 9.40 te chuan hri an kai a ni.

Niminpiah khan ZMC-a RT-PCR Laboratory-ah Sample 1162 enfiah leh niin heng atang hian COVID-19 hri kai mi 145 hmuhchhuah an ni a, an vai hian Aizawl District-a Sample lak te vek niin Veng leh khua 40 atanga hri kai hi hmuhchhuah an ni a, Veng leh khaw mal-a hri kai mi 10 aia tam pakhat awmin Sesawng khua ah hri kai mi 16 hmuh an ni. Fluorescent Immunoassay Test hmangin Sample 41 enfiah ni bawkin hri kai mi 11 hmuh an ni a, an vai hian Aizawl khawpui chhung ami te vek an ni bawk.

Serchhip leh Khawzawl tihloh District dang zawnga TrueNat Laboratory-ah niminpiah khan Sample enfiah niin Sample 168 enfiah a ni a, heng atang hian COVID-19 hri kai mi 40 hmuhchhuah niin an zinga 14 te chu Champhai District-a hri kai hmuhchhuah an ni a, Lunglei District-ah 10, Siaha District leh Lawngtlai District-ah 4 ve ve, Mamit District-ah mi 3, Hnahthial leh Saitual District-ah mi pahnih ve ve leh Aizawl District-ah hri kai mi pakhat hmuh an ni bawk.

Heng bakah hian Rapid Antigen Test hmangin niminpiah khan Mizoram-ah Sample 6462 enfiah ni bawkin heng atang hian hri kai mi 541 hmuhchhuah an ni a, an zinga 229 te chu Aizawl District-a hri kai hmuh te niin Lunglei District-ah 80, Serchhip District-ah 62, Mamit District-ah 41, Champhai District-ah 39, Siaha District-ah 38, Hnahthial District-ah 20, Lawngtlai District-ah 17, Khawzawl District-ah 6, Saitual District-ah 5 leh Kolasib District-ah hri kai mi 4 hmuh an ni bawk.

Mizoram-a hri kai hmuhchhuah te zingah nimin khan tlai dar 5:00 thlengin mi 748 te enkawl dam niin heti hian nimin tlai dar 5:00 thleng khan Mizoram-a hri kai hmuhchhuah chu 1,15,944 an ni ta a, an zinga 1,06,258 te chu enkawl dam ni tawhin hei hi hri kai hmuhchhuah atanga chhutin zaa 91.64 a ni a, hri kai enkawllai 9286 an la awm mek a ni. Mizoram-a hri kai enkawllai zingah nimin khan tlai dar 5:00 thlengin boral an awm belh lo thung a, Mizoram-a hri kai enkawllai zinga boral chu mi 400 an ni mek a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »