Latest News

National Voluntary Blood Donation Day hmang

Ramchhung hmundangte rualin nimin khan Serchhip Blood Bank leh Association for Voluntary Blood Donation (AVBD) Serchhip Branch huaihawtin Serchhip Blood Bank-ah National Voluntary Blood Donation Day hman a ni.

National Voluntary Blood Donation Day puala hun hman hi AVBD Serchhip Branch President C. Zakunga chuan kaihruaiin Serchhip Blood Bank-a Technical Supervisor, Lalhruaitluanga chuan report a pe a. He huna tarlan a nih danin kumin January 1 atanga September 30, 2021 thleng khan Serchhip Blood Bank-a thisen pek zawng zawng chu Unit 802 a ni a, heng zinga Unit 700 te chu a thlawna pek a ni a, hemi chhung hian Blood Donation Camp tum 12 huaihawt a ni bawk. Tunhnai ah thisen indaihlohna a thlen thin thu pawh he hunah hian tarlan niin damlo ten thisen an mamawhna a san avangin Blood Bank-ah thisen dahkhawl sa a awm hman meuhlo thu leh tlawmngai a thisen pek uar thar leh turin mipuite a sawm bawk.

National Voluntary Blood Donation Day pual hian thisen pekna hun buatsaih niin Serchhip Hmar Veng Branch YMA te chuan a mamawh apiangte hman turin thisen an pe a, mipa 14 leh hmeichhia 14 , an vaiin mi 28 in thisen hi an pe a ni.

Comments

Chhiar Hlawhte