Latest News

Chanchin thar thenkhat :

AMC in Dan hmang dawn

Aizawl Municipal Corporation (AMC) chuan Oct. 29, 2021 atang hian AMC Site Development & Slope Modification Regulation, 2017 chu an hmang tan dawn ta a, nimin khan AMC Auditorium-ah he Dan zirhona hi Town Planning hotute, Local Council Member te leh Technical lama mithiam te nen neih a ni. He khuahkhirhna Dan hi hman a nih hnuah chuan AMC huam-chhunga leilai emaw, leivung hmanga khuar hnawh khah tur emaw neite chuan AMC-ah phalna an lak hmasak a tul tawh dawn a. Inhmun emaw, thil danga avanga lei lai tur te chuan AMC hnuaia Technical License holder te ruaiin phalna an dil hmasak a ngai tawh dawn a. Phalna nei lova hma la te chu Dan hmanga hrem theih an ni ang.


Tang tlanchhuak te man

Tunkar Thawhtanni zan-a Siaha District Jail atanga tlanchhuak mi 4 te chu nimin zing dar 9:45 vel khan Lunglei Police ten Lunglei Thei-riat bulah an man. Heng Jail tang tlanchhuak te zinga mi 3 te hi COVID-19 hri kai te enkawlna hmuna awm niin midang pakhat hi inkhunghranna hmuna awm a ni thung a, heng mite hian an tanna-a Bar tichhia a tlanchhuakin tlanchhuakin hemi zan hian Zero-ah Scooty pahnih an ru nghal a, hemi hnu hian Lawngtlai lam pana tlanin Lawng-tlai-ah hian an Scooty ruk pakhat hian hralh a, hemi hnu hian Truck pakhat-ah chuangin midang hi Scooty pakhat-ah an inphur a, Lunglei Police ten an thudawn bawhzuiin Lunglei lam pana tlan Truck an enfiahna ah heng tang tlanchhuak te hi man an ni leh ta a ni.


ZPM in CM candidate tifel?

ZPM Party in Tuirial bial Assembly bye-election Campaign kharna hun nimin-a Kawnpui khuaa an neih ah ZPM Working President K. Sapdanga chuan ZPM in Leader an nei tih sawiin, “Dik loh theih lohna Leader kan nei hi kan chhuangin kum 2023 inthlan atan pawh party mipuiin lung-rual takin Chief Minister turin kan pawm fel vek tawh a ni,” a ti.


Mamit DC hovin thlirho

Nimin khan Mamit-ah District Bawrhsap Dr. Lalrozama IAS hovin PMAY Housing For All leh Self Employment Programme (SEP) hnuaia Loan thlirletna leh hmalak zel dan tur sawihona neih a ni a, PMAY-HFA (Urban) Mamit District CLSS Loan 2021-22 hnuaiah hian dilna lut 65 awmin heng zinga 52 thlanchhuah chu thlirho a ni a, heng dilna te hi SBI Mamit-a Bank Account nei mi 13, SBI Zawlnuam-ah mi 6, MRB Mamit-ah mi 30 leh MCAB Mamit-ah mi 3 an ni. Hei bakah hian Self Employment Programme (SEP) hnuaia Loan dilte chu Bank 3- SBI Mamit, MRB Mamit leh MCAB Mamit-ah mi 10 theuha insemrual tura pawm a ni bawk.


MZP in Party te an ngen

Mizo Zirlai Pawl (MZP) chuan Tuirial bial MLA Bye-Election neih turah anmahni duhthu ngei a Mizoram chhuahsan a Tripura pan ta,Tuikuk ho te Vote thlak theihna tura hma la lo tur in Mizoram Political Party hrang hrangte an ngen tih sawiin, he ngenna ngaipawimawh lo a hmala lui leh ruahmanna siam an awm hriat anih chuan a tul angin hma an la zel dawn tih an sawi a. Bru-te hian anmahni duhthu ngeiin kum 1997 khan Mizoram chhuahsanin Tripura an pan tih sawi nawn lehin, Sawrkar laipui kaih-hruaina hnuaiah vawi tam tak hruailet tum an ni tawh a, chhungkaw tlemte bak an let leh duh lo tih an sawi bawk.

Comments

Popular News (Last 30 Days)