Gas buk tlinglo man a ni

Nimin khan Serchhip-ah eirawngbawlna Gas buk tlinglo thahnem tak man niin Gas rawn phurtu Truck driver in a tlinlohna te pawisa-a a hnawhkhah avangin eirawngbawlna Gas hi sem chhunzawm a ni.

Thudawn danin heng eirawng-bawlna Gas hi Borkhola Bottling Plant atangin Truck AS-11-CC/9341 chuan Inrinni zan dar 9:30 khan load lain Serchhip a rawn panpui a, nimin khan Khawtetlang-ah sem hmasa in hemi hnu hian College Peng-ah sem leh a ni a, hetah hian Gas latute hian bukin bur khat hi kg. 1 leh 2 inkar vel in a tlinglo tlangpui a ni.

Hemi chungchang hi Legal Metrology Enforcement Staff leh MIZOFED-a thawktu ten enfiahin Serchhip District Consumers Association te pawhin hma an la nghal a, amah-erawh chu mipuite hian Gas hi an mamawh avang leh a buk tlinlohna hi Truck driver hian pawisa-a hnawhkhah a inhuam avangin kg ah Rs. 75/- hisap zela titlawmin Gas hi sem chhunzawm a ni leh ta a ni.