Hri kai 51 hmuh belh leh

Nimin khan Serchhip District-ah COVID-19 hri kai mi 51 hmuh belh niin hri kai mi 74 te enkawl dam an ni thung.

Hriat theih chinah nimin khan Serchhip-ah hri kai mi 22 hmuh niin Then-tlang-ah hri kai mi 11 hmuh an ni bawk a, Chhing-chhip-ah mi 6, Chhiahtlang-ah 5, Thenzawl-ah 4, Keitum-ah 2 leh Khawbel-ah 1 hmuh an ni a, Chhiahtlang-ah hian hri kai hmuh belh zel an la nih avangin nimin khan 4C siam belh a ni bawk.

Niminpiah khan Serchhip District-a Thentlang khua ah COVID-19 hri kai mi 37 zet hmuh belh leh an awm a, heng te nen hian nimin-piah-a hri kai hmuhchhuah chu 115 an ni. Serchhip District-a TrueNat Laboratory pawh niminpiah atang khan hman tan leh niin Sample 6 enfiah nghal a ni a, hri kai hmuh erawh an awmlo thung.

Serchhip District-a hri kai enkawl zingah nimin khan mi 74 te enkawl dam an ni ve leh bawk a, heti hian nimin tlai thlenga Serchhip District-a hri kai hmuhchhuah chu 3992 an ni ta a, an zinga 3254 te chu enkawl dam ni tawhin hri kai hmuhchhuah atanga za zela 81.51 te chu enkawl dam an ni tawh a, tunah hian hri kai en-kawllai 729 la awmin hri kai zingah mi 9 lai an boral tawh a ni.