Hri kai thar tlahniam zel; Dam nuai khat aiin tam

Mizoram-ah COVID-19 hri kai hmuhchhuah pung zel mah se nitin-a hri kai hmuhchhuah erawh an tlahniam ve hret hret niin a lang a. hri kai enkawl dam pawh mi nuai khat aiin an tam tawh bawk.

Inrinni khan Mizoram-ah Sample enfiah 6923 awmin heng atang hian hri kai mi 948 hmuh niin Sample enfiah atanga za zela 13.69 te chuan hri an kai a. ZMC-a RT-PCR Laboratory-ah Sample 1181 enfiah niin heng atang hian hri kai mi 253 hmuh an ni a, Veng leh khua 53 atangin hri kai te hi hmuhchhuah niin hri kai hmuh tamna ber Mission Vengthlang atangin hri kai mi 32 hmuh leh an ni bawk. Fluorescent Immunoassay Test hmangin Inrinni khan Aizawl leh Serchhip District-ah Sample 81 enfiah nibawkin hri kai mi 16 hmuh an ni bawk a, an zinga mi 15 te hi Aizawl District-a hri kai hmuhchhuah niin Aizawl-ah mi 14 leh Siaha-ah mi pakhat an ni a, Serchhip District atangin hri kai pakhat hmuh ni bawkin BSF Sipai, State pawn atanga rawn lut a ni.

Inrinni khan Disrtrict hrang hranga TrueNat Laboratory-ah Sample 235 enfiah niin heng atang hian hri kai mi 39 hmuh an ni a, an zinga mi 12 te chu Lunglei District ami te niin Champhai District-ah pawh 12 bawk hmuh an ni a, Kolasib District-ah hri kai mi 5 hmuh niin Serchhip District leh Hnahthial District-ah 3 ve ve hmuh niin Saitual District-ah 2 leh Aizawl District-a mi pakhat hmuh an ni bawk.

Rapid Antigen Test hmanga Inrinni-a Sample enfiah 5426 atangin hri kai mi 640 hmuh an ni bawk a, an zinga 222 te chu Aizawl District-a hri kai hmuhchhuah niin Siaha District-ah 78, Lunglei District-ah 77, Serchhip District-ah 75, Hnahthial District-ah 51, Mamit District-ah 45, Champhai District-ah 34, Kolasib District-ah 25, Lawngtlai District-ah 24leh Saitual District-ah mi 4 te an ni.

Mizoram-a COVID-19 hri kai te zingah Inrinni khan mi 1485 enkawl dam niin nimin khan tlai dar 5:00 thlengin mi 778 te enkawl dam an ni ve leh bawk a. Mizoram-a hri kai enkawl dam zawng zawng pawh mi nuai khat aiin an tam ta a. Nimin tlai dar 5:00 thlenga Mizoram-a hri kai hmuhchhuah chu 1,12,599 ni tawhin an zinga 1,00,218 te chu enkawl dam ni tawhin hei hi hri kai hmuhchhuah atanga chhutin zaa 89 a ni a, tunah hian hri kai enkawllai 11,998 an la awm mek a ni.

Hetihlai hian Mizoram-a hri kai zingah nimin tlai dar 5:00 thleng khan mi 385 an boral tawh a, Inrinni khan hri kai zingah mi pathum boral awmin nimin bikah hian tlai dar 5:00 thlengin hri kai boral mi pahnih an awm leh bawk a ni.