Scho sem tur pek thuai beisei

Mizoram Scholarship Board (MSB) chuan sawrkar laipuiin inkaihhruaina thar a tihchhuah avangin Pre & Post Matric Scholarship sem tura hmalakna a khaihlak rih tih an sawi a, tunkar chhung hian sawrkar laipuiin Pre & Post Matric Scholarship 2020-21 la dawng lo te hnena pek tur pawisa a rawn pekchhuah an beisei tih an sawi bawk.

Mizoram Scholarship Board (MSB) Secretary Dr. PL. Ramliana chuan Pre & Post Matric Scholarship pekchhuah dan chungchangah sawrkar laipuiin inkaihhruaina thar, 'New Procedure for Release of Fund' hmang tura State tinte a tih avangin tun hmaa Scholarship an sem thinna dan chu a hman theih tawh loh tih a sawi a, tunah hian Scheme tin tan Bank Account hran theuh siam a ngai tawh a, hei hi peihfel tep a ni, a ti.

MSB hian sawrkar laipui atangin Pre & Post Matric Scholarship 2020-21 sem tur cheng nuai 1,197.18 an hmu tawh a, chu chu First instalment tih niin, Mizoram chhunga College leh Univesity zirlai 15,828 hnenah sem a ni tawh a. Tunah hian Mizoram pawna zirlaite leh pawl 11 leh 12 zirlai 17,990 hnena pek tur (Second Instalment) cheng nuai 1,970.12 chu hmuh a la ni lo thung a ni.

Comments

Popular News (Last 30 Days)

Serchhip DCSO sawn a ni