Latest News

Ni khat-a hri kai hmuhchhuah la tlahniam theilo

Mizoram-ah COVID-19 hri kai hmuhchhuah zat ala tlahniam hlei thei lova, niminpiah khan Mizoram-ah Sample 8382 enfiah leh niin heng atang hian COVID-19 hri kai 1080 hmuhchhuah leh niin sample en atanga za zela 12.88 te chuan hri an kai a ni.

Niminpiah khan ZMC a RT-PCR Laboratory-ah Sample 1322 enfiah niin heng atang hian hri kai mi 308 hmuhchhuah an ni a, an vai hian Aizawl khawpui chhunga Sample lak te niin Veng leh khua 55 ami te an ni a. Fluorescent Immunoassay Test hmanga Sample enfiah 238 atangin hri kai mi 26 hmuh ni bawkin an vai hian Aizawl khawpui chhung ami te an ni bawk.

District hrang hranga TrueNat Laboratory-ah niminpiah khan Sample 347 enfiah ni bawkin heng atang hian hri kai mi mi 56 hmuh an ni bawk a, Champhai District-ah 19, Siaha District-ah 13, Lawngtlai District-ah 6, Kolasib leh Mamit District-ah 5 ve ve, Lunglei District-ah 4, Serchhip District-ah 3 leh Aizawl District-ah hri kai mi pakhat hmuh an ni bawk.

Rapid Antigen Test hmanga niminpiah-a Sample enfiah 6475 enfiah atangin hri kai mi 690 hmuh ni bawkin heng zinga 300 te chu Aizawl District atanga hri kai hmuhchhuah an ni a, Lunglei District-ah hri kai mi 105 hmuhchhuah ni bawkin Champhai District-ah 74, Serchhip District-ah 60, Siaha District-ah 58, Lawngtlai District-ah 40, Mamit District-ah 29, Kolasib District-ah 19, Khawzawl leh Hnahthial District-ah hri kai mi pahnih ve ve leh Saitual District-ah hri kai mi pakhat hmuh an ni bawk.

Nimin khan tlai dar 5:00 thlengin Mizoram-a hri kai mi 712 te enkawl dam an ni leh a, heti hian nimin tlai dar 5:00 thlengin Mizoram-a hri kai hmuhchhuah chu 103,709 niin an zinga 87,860 te chu enkawl dam an ni tawh a, hei hi hri kai hmuhchhuah atangin zaa 84.72 niin hri kai enkawllai 15,505 an la awm a, nimin khan hri kai boral mi pahnih chhinchhiah belh leh niin hri kai boral mi 344 an awm tawh bawk a ni.

Comments

Chhiar Hlawhte