Pathianni-ah hri kai 249 hmuh belh leh an ni

Pathianni khan Mizoram-ah 2464 enfiah niin heng atang hian COVID-19 hri kai mi 249 hmuhchhuah an ni a, Samle enfiah atanga mi za zela 10.11 te chuan hri an kai a ni.

Pathianni khan ZMC-a RT-PCR Laboratory-ah Sample enfiah awm lovin Fluorescent Immunoassay Test hmangin Sample enfiah a awm lo bawk a. District hrang hranga TrueNat Laboratory 11 zingaa District pali-ah Sample 80 enfiah niin heng atang hian hri kai mi 18 hmuhchhuah an ni a, an zinga mi 13 te chu Champhai District ami te niin Aizawl District-ah pathum leh Lunglei leh Khawzawl District-ah hri kai mi pakhat ve ve hmuh an ni bawk.

Heng bakah hian Rapid Antigen Test hmangin Champhai tihloh District dang zawngah Sample 2384 enfiah ni bawkin heng atang hian hri kai mi 231 hmuhchhuah an ni bawk a, an zinga 142 te chu Aizawl District atanga hri kai hmuhchhuah niin Serchhip District-ah 30, Saitual District-ah 20, Mamit District-ah 16, Lunglei District-ah 13, Hnahthial District-ah 5, Kolasib District-ah 4 leh Lawngtlai District-ah hri kai mi pakhat hmuh a ni bawk.

Nimin khan tlai dar 5:00 thlengin Mizoram-a hri kai 862 te enkawl dam an ni a, heti hian nimin tlai dar 5:00 thlenga Mizoram-a hri kai hmuh tawh chu 1,12,848 niin an zinga 1,01,691 te chu enkawl dam niin hei hi zaa 90.11 a ni a, tunah hian hri kai enkawllai 10,769 an awm mek a ni. Nizan hmasa zanrei-ah Mizoram-a hri kai boral mi pakhat awmin nimin ah mi pahnih an boral ve leh bawk a, heti hian Mizoram-a hri kai zingah mi 388 lai an boral ta a ni.

Comments

Popular News (Last 30 Days)

Serchhip DCSO sawn a ni