Economic Census vawi 7-na chungchang thlirho

Economic Census vawi 7-na buaipui tura din State Level Co-ordination Committee (SLCC) chu nimin khan Chief Secretary Lalnunmawia Chuaungo hovin an thukhawm.

Chief Secretary Conference Room-a thutkhawm ah hian Provisional results-ah Data thenkhat diklo nia ngaih theih leh Data inmil lo chungchang sawiho niin Common Service Centre (CSC) te kaltlanga Data lakkhawm atanga Ministry of Statistics & Programme Implementation in Provisional Results an chhawpchhuah leh District thenkhata Data inmil lo nia ngaih theih te chu Economics & Statistics Department hotute chuan an tarlang a. Heng Data inmil lo siamtha tur hian Survey tih that leh nise tih meeting-ah hian rawt a ni a. Data lakhawmtu atana CSC ten mi an rawih lehchhawn te chuan duh angin inhrilhriatna tha an pek tawk loh avang te, Internet Connectivity a that tawk loh avangte in Data inmil lo hi a awm nia an ngaih thu an tarlang a ni.

He thutkhawm ah hian Chief Secretary Lalnunmawia Chuaungo chuan Economic Census hi sumdawnna leh a kaihhnawih atanga sum dehchhuah tarlanna bu pawimawh tak a nih avangin Data dik neih a pawimawhzia sawiin, Data inmillo te chu ennawn tura hmalak vat ni se, a ti. Planning & Programme Implementation Secretary Lalmalsawma Pachuau pawhin 7th Economic Census chu Common Service Centre te kaltlanga a vawikhatna atan Digital Mode a kalpui a nih avangin Data inmil leh diklo nia ngaih theih te chu Provisional Results ah a rawn lang niin a sawi bawk.

6th Economic Census thleng kha chuan Economic & Statistics Department in engkim an buaipui thin a, 7th Economic Census ah erawh chuan Sawrkar Laipuiin tih dan rawn thlakin data lakkhawm leh upload chu CSC te kutah dah dahin, Digital Mode in an kalpui ta a. Hei hian connectivity that lohna hmunah te chuan harsatna a siam a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni