Mizoram-ah hri kai hmuhchhuah belh zel an ni

/

Mizoram-ah COVID-19 hri kai hmuhchhuah belh an la ni zel a, niminpiah khan Mizoram-ah Sample 8721 enfiah niin heng atang hian COVID-19 hri kai mi 1224 hmuh belh leh an ni.

Niminpiah khan ZMC a RT-PCR Laboratory-ah Sample 1629 enfiah niin heng atang hian hri kai mi 449 hmuhchhuah an ni a, an vai hian Aizawl District-a Sample lak te vek niin Veng leh khua 57 atanga hri kai te hi hmuh an ni a, Veng mal-a hri kai hmuh tamna ber ITI Veng-ah hri kai 44 hmuh niin Veng leh khaw mal-a hri kai 10 leh a aia tam hmuhna 15 lai a awm bawk. Fluorescent Immunoassay Test hmangin niminpiah khan Aizawl-ah Sample 60 enfiah niin hri kai mi 17 hmuhchhuah an ni bawk a, an vai hian Aizawl khawpui chhung ami vek an ni bawk.

District hrang hranga TrueNat Laboratory-ah niminpiah khan Sample enfiah 550 awmin heng atang hian hri kai mi 116 hmuhchhuah an awm bawk a, Champhai District-ah 40, Lunglei District-ah 15, Lawngtlai District-ah 12, Serchhip District-ah 10, Aizawl leh Siaha District-ah 5 ve ve, Kolasib District-ah 3 leh Saitual District-ah 2 te an ni.

Heng bakah hian Rapid Antigen Test hmangin Sample 6482 enfiah a ni bawk a, heng atang hian hri kai mi 642 hmuh an ni leh bawk a, an zinga 279 te chu Aizawl District atanga hri kai hmuhchhuah niin Serchhip District-ah 73, Lunglei District-ah 72, Lawngtlai District-ah 60, Siaha District-ah 49, Champhai District-ah 42, Mamit District-ah 30, Kolasib District-ah 25, Hnahthial District-ah 6 leh Khawzawl leh Saitual District-ah 3 ve ve te an ni.

Nimin tlai thleng khan Mizoram-a COVID-19 hri kai hmuh chu 1,08,790 tling tawhin nimin khan hri kai mi 955 enkawl dam awm belh lehin nimin tlai thleng khan hri kai mi 94,894 te chu enkawl dam an ni tawh a, hei hi hri kai hmuhchhuah atanga chhutin zaa 87.23 niin tunah hian hri kai enkawllai 13,526 an awm mek a ni. Mizoram-ah hri kai boral mi 370 zet awm tawhin nimin bikah mi pakhat boral a awm a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »