Chanchin thar thenkhat :

Chief Minister in hawng

Chief Minister Zoramthanga chuan North Eastern Council (NEC) atanga sum hmuh cheng nuai 833 senga College of Nursing, Synod Hospital, Durtlang Main Building sak thar chu nimin khan a hawng a, nursing chu hna ropui tak a ni tih sawiin, Nursing School chu mahni mihring pui te tana rawngbawltu hlu tak zirlai kaihhruaina hmun zahawm tak a nih thu a sawi bawk. College of Nursing Main building sak hna hi Dec. 1, 2017 khan thawh tan niin chhawng 4-a sang a ni a, NEC atanga sum hmuh hi State sawrkar in 10% in a dolet ve a, L.B Associates ten a sak hna hi thawkin Administrative Office, Lecture Room, Laboratory, Library, Audio-Visual Room, Auditorium, Computer Lab. etc.  awm tura rua-hman a ni.


Saitual-ah DISHA thukhawm

Saitual District chhunga Central sawrkar sum hmanga hmasawnna hnathawh hrang hrang viltu District Development Co-ordination and Monitoring Committee (DISHA) thutkhawm chu nimin khan an Chairman leh Lok Sabha MP, C. Lal-rosanga hovin biakhmuhtheihna hmangin neih a ni a, DISHA Meeting chu Central sawrkarin a ngai pawimawh hle tih sawiin, Central sum hmanga hnathawhte chu chipchiar takin Fund petu Sawrkar laipui hian hriat an duh thin tih a sawi bawk. He hunah hian Saitual DC VL. Hruaizela chuan inlawmna thu sawiin bialtu MLA leh P&E Minister R. Lalzirliana pawhin he hun hi a hmanpui a, Department 13 hnuai Scheme 22 chungchang sawiho a ni.


Campaign hun tawp dawn

Election Commission of India chuan Tuirial bial-a Assembly bye-election neih turah Vote thlak hun tawp atanga chhiarlet-a darkar 72 chhung chu Silent Period-ah puangin hemi ang hian he inthlana campaign hun tawp chu Vawiin tlai dar 6:00 hi a ni a, hemi hnu lamah chuan he bial-a Vote nei nilo campaigner te chu he bial chhuah-san vek tura tih an ni.


Postal Ballot in Vote thlak

Tunkar Inrinni-a Tuirial bial-a Assembly bye-election neih tura Polling Station-a Security leh Medical Duty tur mi 33-te tan nimin atang khan Postal Ballot hmanga Vote thlakna hun hawn tan a ni a, nimin tlai thleng khan mi 29 ten Vote hi an thlak tawh a ni. He inthlanna neih tur atan hian tluang takin inbuatsaihna kalpui mek a ni a, nimin khan inthlanna bungrua thawnchhuah leh lo thleng buaipuitu turte tan training neih leh a ni bawk.


CIC atan CS nilai ruat thar

Mizoram Governor chuan Mizoram State Chief Information Commissioner thar atan Lalnunmawia Chuaungo IAS chu a ruat thar a, Chief Information Commissioner thar ruatna Notification hi October 20, 2021 khan General Administration Department chuan a tichhuak a ni. Tarlan tawh angin Chief Secretary nilai Lalnunmawia Chuaungo hi tun thla tawp-ah Voluntary Pension in a chhuak dawn a ni.

Comments

Popular posts from this blog

Eiruk thubuai-ah Serchhip-a Excise Office leh Treasury Office-a thawk thin thiamloh chantir an ni