Women Helpline Mizoram in call dawng tam tawh

Aizawl Upper Khatla-a Women Helpline Mizoram (WHL) Office chuan hawn a nih atangin Call vawi 9098 dawng tawhin Women Help Line pantu tam ber te chu inchhungkhur-a hleilenna kaihhnawiha harsatna tawk an ni.

Tunhnai khan Aizawl District Bawrhsap leh Women Helpline Mizoram Steering Committee Chairman ni bawk Dr. Lalhriatzuali Ralte leh Assistant Commissioner, Priyank Kishore, IAS te chuan WHL Office, Aizawl hi an tlawh a, he huna tarlan a nih danin Women Helpline Mizoram hi kum 2016 April thla atanga hawn niin, April 2016 - September 2021 thleng khan tum 9098 zet call an dawng tawh a. Harsatna tawk ten Women Helpline an rawn pan chhan tam ber chu Inchhungkhur-a hleilenna chungchang a ni a, an case dawn tawh zawng zawng atanga chhut in 61% lai a tling phak a ni. Anmahni pantute zingah kum 21-40 inkar tam berin 59% an tling a, WHL pantute zinga 38% chu pasal neilai an ni a, pawikhawihtu (accused) zingah pawh hian an pasalte an tam ber bawk. Pawikhawihtu zinga a tam zawk te hi Zu in mi an ni.

Helai hmun an tlawhna ah hian Dr. Lalhriatzuali Ralte chuan hmeichhiate dikna leh chanvo humhalh bakah hleilenna chi hrang hrang an tawrh thin te tihtawp nan hian Women Helpline chauh a tawlo tih sawiin, mimal, chhungkua, khawtlang leh tlawmngai pawl hrang hrang te nena thawhhona tha neih pawimawh thu a sawi a ni.

Comments

Popular News (Last 30 Days)

Serchhip DCSO sawn a ni