Bye-election neih tura dan bawhchhiatna ah MPF ten Kolasib DEO-ah complaint an thehlut

Mizoram People Forum (MPF) General Hqrs. hruaitute chuan Tuirial Bial-a Assembly bye-election neih turah Party hrang hrang ten Dan (Model Code of Conducts) an bawhchhia nia sawiin, nimin khan Kolasib District Election Officer hnenah complaint an thehlut.

MPF General Hqrs. a General Secretary Rev. R. Lalnuntluanga leh Governing Board Member Rev. SL. Lalpuiliana bakah Kolasib District Forum President Rev. H. Zathuama te chuan nimin khan Kolasib District Election Officer hnenah hian complaint hi an thehlut a, complaint hi ziaka an thehluh bakah a lem (thlalak) leh Video pawh an hlan nghal a ni. MPF General Secretary Rev. R. Lalnuntluanga chuan an thubuai thehluh chhan ah he inthlanna neih tura Candidate te MPF ten kawmin ngenna an siam hnu lawk ah Dan an bawhchhe zui tih a sawi a, “MPF te leh mipui zahlohna ah kan ngai,” tiin hei vang hian complain thehlut an nih thu a sawi a, inkawmhona ah, Dan an bawhchhia anih chuan puan an ni anga, Complain thehlut bakah Cyber Crime-ah thlen an nih tur thu hriatir lawk an nih tawh thu Kolasib DEO hi a hrilh bawk a ni.

Kolasib DEO chuan MPF te complain thehluh chu hma an lo lak chhunzawm tur thu hrilhin, Dan bawhchhiatna a awm anih chuan an Expenditure (inthlan senso)-ah belh sak vek an nih tur thu a sawi a, tunhnai a Complain an dawn, Buhfai sem chungchang pawh endik an nih hnu ah Free Ration kallai ni lovin Unit hruaitu ten sem tura an tih a lo ni a, sem chhunzawm tawh lo tur a hriattir an nih tawh thu a sawi bawk.

Hetihlai hian Tuirial bial-a inthlanna neih tur atan sawrkar pawh inbuatsaih mek zelin nimin khan Polling Officer, Presiding Officer leh Assistant Presiding Officer-te tan Training chu hmun hnih-ah neih a ni a, he hunah hian inthlanna neih tur buaipuitute mawhphurhna hrang hrangte leh Vote thlakna khawl hman dan turte mithiam ten an zirtir a ni.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man