Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Hri kai 4000 aiin tam ta

Serchhip District-a COVID-19 hri kai hmuh tawh zawng zawng chu mi sang li aiin an tam ta.

Nimin khan Serchhip District-ah COVID-19 hri kai hi mi 54 lai hmuh belh leh an awm a, heng te nen hian nimin tlai thlenga hri kai hmuh tawh chu 4047 an tling tawh a ni. Nimin-a hri kai hmuh zinga 15 te hi Serchhip-a hri kai hmuh te niin Thenzawl-ah 19, Chhingchhip-ah 13 leh Chhiahtlang-ah hri kai mi 7 hmuh an ni. Heng bakah hian niminpiah khan Fluorescent Immunoassay Test hmangin Thenzawl-ah hri kai mi pakhat hmuh belh a ni bawk a ni.

Nimin khan Serchhip District-a hri kai te zingah mi 44 te chu enkawl dam niin anmahni enkawlna hmun atanga chhuahtir an ni a. Heti hian nimin tlai thlenga Serchhip District-a hri kai hmuhchhuah tawh chu 4047 niin an zinga 3298 te chu enkawl dam an ni tawh a, hri kai enkawllai 740 la awmin hri kai zingah mi 9 lai an boral tawh a ni.

Comments

Popular News (Last 30 Days)