Hri danna pek hna thawk zel

COVID-19 Vaccine pek hna kalpui mek zelah pawn-a chhuak theilo te pawh hri danna pe vek turin hmalak mek a ni.

State Immunization Officer Dr. Lalzawmi chuan pawn chhuak theilo te an chenna In-ah kalchilhin hri danna pek tan an nih thu a sawi a, Mizoram pum tuam chhuak tura hma an lak thu leh District zawng zawnga an la kalpui loh thu sawiin, District panga (5) atanga report an dawn tawh chinah hetiang mi hi mi 761 an awm thu a sawi a. District dang atangin chanchin nghah mek a ni, a ti.

Dr. Lalzawmi chuan hri danna la duh lo te finchhuaha, an lak duh theihna tura puitu tur ‘Mobiliser’ thahnem tak an lak tawh thu sawiin, chung mite chu zirtirna pawh pek an nih tawh thu a sawi. Hri danna hi Sakhuana leh thildang vanga la duh lo an awm niin a sawi a, dose khatna pawh la duh miah lo an awm rualin, dose khatna la tawh, a bikima la leh duh lo a, hel leh ta te pawh an awm tih a sawi. Chutianga hridanna la duh lote chu VLTF/LLTF kaltlanga zawng chhuakin hmalak a nih dawn thu a sawi bawk.

Comments

Popular News (Last 30 Days)

Serchhip DCSO sawn a ni