Mizoram-ah Zirna In zaa 22.66 hawn a ni tawh

Mizoram chhunga COVID-19 hri hluar lohna hmunah a te zirna In hrang hrang hawn a ni tawh a, tun dinhmunah zirna In zaa 22.66 hawn a ni tawh.

School Education Department Director James Lalrinchhana sawi danin Mizoram chhunga khaw thenkhat, hripui lengin a tihbuai ve lohna ah te zirna In hi hawn niin, School hawn tur te chu District hrang hranga Deputy Commissioner ten a him ngei ani tih an finfiah hnuah chauh an hawng tih a sawi a, hri vanga buaina an nei palh anih pawhin an khar leh mai thin tih a sawi.

James Lalrinchhana chuan zirna In hawn chungchang hi Disaster Management thu a ni tih sawiin, tun dinhmunah zirna In tam zawk hawn theih rihloh mahse theihtawpin zirlai te hmasawn nan Online Class kalpui a ni tih a sawi bawk.

School Education Director chuan hripui len lai anih avangin Online Class chu zirlaite hmasawn nana hmanraw tha ber a ni tih a sawi a, Mobile Phone neilo te tan leh Online Class zawm ve theilo te tan SCERT leh MBSE ten an zir tur an siam sak tih pawh sawiin, Online Class chu an chhawr tangkai thu leh zirlaiten thiamna an hlohna nasa lutuk tur ven nan a ni tih a sawi a, hei bakah hian Zirlaite mai nilo, nu leh pa leh zirtirtute tanrualna a pe tih a sawi bawk.

Comments

Popular News (Last 30 Days)

Serchhip DCSO sawn a ni