Home Minister in Lunglei a tlawh

Home Minister Lalchamliana chuan nimin khan Lunglei SP Office leh Taxation Department Quarters sak mek te a tlawh.

Nimin a Lunglei SP Office a tlawhna ah hian Home Minister hi Lunglei SP Rex Zarzoliana leh a thawhpui ten an lo dawngsawng a, Home Minister chuan Lunglei Police te inrelbawlna chu fakawm a tih thu sawiin, thawktute indaihlohna chu a hriatreng bakah Mizoram chhunga District hrang hrang mipui awm dana zira Police lak tum a nih thu sawiin, Lunglei tan kangthelhna motor tha tak an pek tur thu a sawi bawk.

Taxation Department changtu ni bawk Lalchamliana hian Taxation Department Quarter sak mek tlawhin Deputy Commissioner of State Tax B. Lalremruati leh a thawhpui ten an lo dawngsawng a, Taxation Department-te chu sawrkar tana sum la luttu ber an nih thu a sawi bawk.