Hri kai 3600 aiin tam tawh

Serchhip District-a COVID-19 hri kai hmuh chu 3600 aiin an tam tawh a, nimin khan hri kai te zingah mi 96 zet enkawl dam an awm bawk.

Hriat theih chinah nimin khan Serchhip District-ah hri kai mi 73 hmuhchhuah belh awmin an zinga 38 te hi Serchhip ami te an ni a, Chhingchhip khua ah hri kai mi 14 hmuh belh awmin Keitum-ah 7 Thenzawl leh Chhiahtlang-ah 5 ve ve hmuh an ni a, Khawbel leh Khawlailung-ah hri kai mi 2 ve ve hmuh an ni bawk.

Niminpiah khan Serchhip District-a TrueNat Laboratory-ah COVID-19 hri kai mi 8 hmuh ni bawkin an vai hian Serchhip khawpui chhung ami te vek an ni a, nimin-a Rapid Antigen Test hmanga hri kai kan tarlan bakah a hma-a Khawbel khua-a hri kai hmuhchhuah te chu niminpiah khan ziahluh belh an ni bawk.

Serchhip District-a hri kai te zingah nimin khan mi 96 zet enkawl dam an awm belh leh a, heti hian nimin tlai thlenga Serchhip District-a hri kai hmuhchhuah tawh chu 3618 niin an zinga 2822 te chu enkawl dam an ni tawh a, hri kai enkawllai 788 la awmin hri kai zingah mi 8 an boral tawh bawk a ni.

Comments

Popular News (Last 30 Days)

Serchhip DCSO sawn a ni