Latest News

Champhai-ah DC hovin hmalakna hrang hrang thlirho

Nimin khan Champhai-ah District Bawrhsap Maria CT. Zuali hovin Faina, Plastic hman khap, Tuihna humhalh leh ruahtui khawlkhawm kawnga hmalakna leh hmachhawp hrang hrangte sawiho a ni.

Champhai a District Water & Sanitation Mission Committee, District Sanitation Task Force leh Jal Shakti Abhiyan- Catch the Rain Campaign Expert Team-te Joint Meeting-ah hian District Bawrhsap chuan fai tura tui pawimawhna leh tuihna humhalh sauh sauh a tul thu sawiin, nitin khawsakna kawnga tangkai tak tui tel lovin nunphung a buai a, sik leh sa inthlak, ramngaw chereu leh leihnuai tui awm kiam zel avangin tui a harsa tulh tulh a, nakin lawka harsatna lian zawk kan tawh loh nan theihtawp chhuaha hmalak a ngai a ni, a ti.

Meeting-ah hian District Water & Sanitation Mission Committee hnuaia Open Defecation Free (ODF) Plus Verification Team, RD Block pakhat zela member 4 awmna tur din dan tur sawiho a ni a, kar thar atangin endikna kalpui nghal nise tih a ni a. ODF Plus ni thei tura 2021-2022 Financial Year 2nd quarter chhunga hmalakna Champhai RD Block atangin khua/veng 7 leh Khawbung RD Block huamchhungah khaw 5 a awm a ni. Hei bakah hian District Sanitation Task Force kaihhnawih Plastic Waste Management Amendment Rules 2021 awmzia leh a tumte ngaihthlak a ni a. Vawi khat chauh hman tlak polythene plastic bag hman thin bansana, bag tawih thei (Non Woven Bag) leh a dang hriselna leh leilung tana him zawkte Champhai District-ah hman a nih theih nana hmachhawpte pawh sawiho a ni a. Jal Shakti Abhiyan - Catch the Rain Campaign kaltlangin ruahtui tla khawlkhawm leh tui hna humhalh kawnga tanlak a tul zia ngaihthlak a ni bawk.

Comments

Popular News (Last 30 Days)