Latest News

Khaw pahnih hmun khuahkhirh bikah puan an ni

Serchhip District Bawrhsap Kumar Abhishek IAS chuan tunhnaia Serchhip District chhunga COVID-19 hri kai hmuhchhuah tamna Leng khua leh Chekawn khua te chu COVID-19 hri darh zel thei dinhmunah a ding nia a lan avangin hmun khuahkhirh bik (Restricted Area) atan a puang a. Chekawn khua ah hian tunhnaiah hri kai mi 20 lai hmuhchhuah ni tawhin enkawl dam an awm chho tan mek a, Leng khua ah hian hri kai mi 52 hmuh ni tawhin enkawl dam an la awm lova, hri kai te enkawlna atan hian 4C pahnih siam a ni bawk.

Hri kai 71 hmuh belh leh

Nimin khan Serchhip District-ah COVID-19 hri kai mi 71 zet hmuhchhuah belh leh awmin hri kai enkawl dam mi 7 an awm bawk.

Hriat theih chinah nimin khan Kei\um-ah hri kai mi 23 (a hma ni-a hmuh 5 nen) hmuh belh niin New Serchhip-ah 17 lai hmuh an ni bawk a, Chhing-chhip-ah 12, Khawbel-ah mi 8, Serchhip-ah 6, Thenzawl-ah 3 leh Chhiahtlang-ah mi 2 hmuh niin TrueNat result hriat hman a ni lo thung.

Niminpiah khan TrueNat Laboratory a\angin hri kai mi 5 hmuh an ni a, an vai hian Serchhip khawpui chhung ami  niin Rapid Antigen Test hmanga hri kai mi 79 nimin lama kan rawn tarlan tawh bakah mi 6 hmuh belh an awm bawk.

Serchhip District-a hri kai te zingah nimin khan mi 7 enkawl dam an awm ve leh a, heti hian nimin tlai thlenga Serchhip District-a hri kai hmuhchhuah chu 3519 ni tawhin an zinga 2727 te chu enkawl dam an ni tawh a, hri kai enkawllai 792 la awm mekin hri kai zingah mi 7 an boral tawh bawk a ni.

Comments

Chhiar Hlawhte

Book of the Year hlan