Kum 18 chunglam 61.56 ten Vaccine la zo tawh

Mizoram-a kum 18 chin chunglam zinga za zela 61.56 te chuan COVID-19 hri danna an la zo tawh.

Chhinchhiahna atanga a lan danin Mizoram-ah hian kum 18 chunglam, Electoral Roll a inziaklut mi 8,16,138 awmin heng zingah 6,93,669 te chuan Inrinni thleng khan Vaccine Dose 1-na hi an la tawh a, hemi anga chhut hian Vaccine Dose 1-na la tawh hi za zela 88.99 an ni a, Vaccine Dose 1-na la tawh atang hian mi 5,20,385 te chuan Dose 2-na la tawhin vaccine la thei atanga chhutin za zela 61.56 te chuan Vaccine an lak tur ang an la kim tawh a, tun thlengin Hri danna dose 11,96,084 pekchhuah a ni tawh a ni.

Health Department hotute chuan Khum bet-a damlo te leh chhan dang avanga pawn chhuak theilo te, an chenna inah kalchilhin hridanna pek chhoh zel a ni a. Hetihlai hian Sakhaw thil avanga hridanna la duh lote kalchilha zirtirna pe turin ruahmanna siam a ni bawk.