Latest News

AH&Vety Minister in hawng

AH&Vety Department Minister Dr. K. Beichhua chuan nimin khan Lunglei Farm Veng-a District Veterinary Hospital leh Lungpuizawl AH&Vety Farm-a Ar awp keuna leh Broiler Ar vulhna (Hatchery cum Poultry Farm) tur chu a hawng.

Lunglei District Veterinary Hospital hi cheng nuai 90 senga sak niin, NABARD-RIDF atanga sum hmuh hmanga sak a ni a, kum 2019 March thla khan hna thawh tan niin AIE Construction, Tuikhuahtlang Aizawl ten a sak hna an thawk a ni.

Lungpuizawl Farm-a Ar awpkeuna leh Broiler Ar vulhna hi kum 2017-18 ah NABARD RIDF atanga sum hmuh cheng nuai 519.25 atanga sak a ni a, Aarkon Infrastructure, Uttar Pradesh ten a sak hna thawkin Ar awpkeuna atang hian ni 21 chhungin ar note 5000 a awpkeu thei dawn a, ar note 2400 vulhna tur In sak a nih bakah Ar puitling deuh 2400 vulhna tur In sak a ni bawk a, Power Supply khaihlak venna turin Generator lian dah a nih bakah a enkawltute chenna tur pawh sak nghal a ni bawk.

Heng thil hawn thar tak puala inkhawm Lungpuizawl Veterinary Farm-a neih ah AH & Vety Minister chuan African Swine Fever (ASF) vanga harsatna tawk te zangnadawmna pe turin sawrkar in theihtawp chhuahin hma a la mek tih a sawi a, ASF kaihhnawiha zangnadawmna pek chungchangah nasa takin Social Media-ah thu chianglo an vawrh darh thin chu pawi a tih thu sawiin, Social Media te pawh hi midang tana malsawmna atana hmang a, inhnialna atthlak tak te ban san a hun takzet tih a sawi bawk.

AH&Vety Minister chuan Veterinary Science chu ram changkang apiangah a hlu tih sawiin, ran duat taka enkawl kawngah kan harh thar mek zel a, zirlaite pawh Veterinary Science-ah kawng zau tak a inhawng mek zel a ni tih hriain helam zirnaah ke pen zel turin a sawm bawk.

Comments

Chhiar Hlawhte