Hri kai hmuhchhuah zat tlahniam chho mek zel

COVID-19 hri kai hmuhchhuah zat a tlahniam zel a, niminpiah khan Mizoram-ah Sample 5382 enfiah niin heng atang hian hri kai mi 665 hmuhchhuah an ni a, Sample enfiah atanga za zel a 12.36 te chuan hri an kai a ni.

Niminpiah khan ZMC-a RT-PCR Laboratory-ah Sample 1004 enfiah niin heng atang hian COVID-19 hri kai 126 hmuhchhuah an ni a, Veng leh Khua 39 ami te niin Veng khat-a hri kai mi 10 leh a aia tam hmuhna pathum chiah a awm tawh a ni. Heng bakah hian Fluorescent Immunoassay Test hmangin Aizawl-ah Sample 72 enfiah niin hri kai mi 28 hmuh an ni bawk a, an vai hian Aizawl khawpui chhung ami te vek an ni bawk.

Mizoram District hrang hrang 11-a TrueNat Laboratory 8-ah niminpiah khan Sample 235 enfiah ni bawkin heng atang hian hri kai mi 42 hmuh an ni bawk a, an zinga 12 te chu Champhai District ami te niin Serchhip District-ah 8, Lawngtlai District-ah 7, Lunglei leh Siaha District-ah 6 ve ve, Aizawl District-ah 2 leh Mamit District-ah mi pakhat hmuh a ni bawk.

Rapid Antigen Test hmangin niminpiah khan Mizoram-ah Sample 4071 enfiah niin heng atang hian hri kai mi 469 hmuh an ni bawk a, an zinga 203 te chu Aizawl District atanga hri kai hmuhchhuah niin Serchhip District-ah 89 hmuh an ni a, Lunglei District-ah 58, Champhai District-ah 35, Mamit District-ah 32, Kolasib District-ah 24, Hnahthial District-ah 14, Lawngtlai District-ah 12 leh Saitual District-ah hri kai mi pahnih hmuh an ni bawk.

Mizoram-a COVID-19 hri kai te zingah nimin khan tlai dar 5:00 thlengin mi 708 te enkawl dam an ni leh bawk a, heti hian nimin tlai dar 5:00 thlenga Mizoram-a hri kai hmuhchhuah chu 1,14,466 niin an zinga 1,04,013 te chu enkawl dam an ni tawh a, hei hi hri kai hmuhchhuah te atangin zaa 90.87 niin hri kai enkawllai 10,058 an la awm mek a, District tinah hri kai enkawllai hi an la awm a ni.

Mizoram-a hri kai te zingah mi 396 zet boral an awm tawh bawk a, nizan hmasa khan hri kai zingah mi pakhat boral awm belh lehin nimin-a hri kai mi pathum an boral leh bawk a ni.