District Sports Committee kalphung tur duhlo

District hrang hranga District Sports Association hruaitute chuan Mizoram sawrkarin District Sports Committee Chairman atan DC leh Secretary atan District Sports & Youth Officer dah a tum chu Sports hmasawn zel tur tih thuanawpna nia ngaiin an duh lo tih an sawi.

Zirtawpni kalta khan Aizawl Press Club-ah inhmuhkhawmin District hrang hrang Sports Committee aiawhte chuan Mizoram sawrkarin District Sports Committee kalphung thar tur a ruahman ah Chairman atan DC leh Secretary atan DSYO te dah a tum nia an hriat thu leh kalphung thar tura sawrkar ruahmanna hi tunhma lama District Sports Committee kalpui tawh dan, Sports hmasawnna atana a thatloh avanga DSC Guidelines pawh tihdanglam tawh ang kha a ni tih an sawi a. Chuvangin tuna kan kaldan pangngai, Sports Association hrang hrang aiawh kalkhawmte atanga Office Bearers tur mi 6 thlanchhuah thin anga kalpui leh turin Mizoram sawrkar an ngen tih an sawi a ni.

District Sports Association hruaitu kalkhawmte chuan tunhma deuhin DC te chu District Sports Committee Chairman-ah dah an lo ni tawh thin tih sawiin, Sport lama tui leh tui lo kar a hla a, District thenkhat ah chuan Committee pawh an nei hleithei lo niin an sawi a. DC te chu mi buai tak tak an nih avangin Sport chu an hlamchhiah thin nia an hriat thu an sawi a. Tun dinhmunah District tlemte ah chauh DSYO te an la awm tih sawi bawkin, tuna Mizoram sawrkar ruahmanna chu tih hlawhtlin anih chuan Sport in a tuar dawn niin an sawi bawk.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man