Latest News

Khaw pahnih hmun khuahkhirh bikah puan an ni

Serchhip District Bawrhsap Kumar Abhishek IAS chuan tunhnaia Serchhip District chhunga COVID-19 hri kai hmuhchhuah tamna Leng khua leh Chekawn khua te chu COVID-19 hri darh zel thei dinhmunah a ding nia a lan avangin hmun khuahkhirh bik (Restricted Area) atan a puang a. Chekawn khua ah hian tunhnaiah hri kai mi 20 lai hmuhchhuah ni tawhin enkawl dam an awm chho tan mek a, Leng khua ah hian hri kai mi 52 hmuh ni tawhin enkawl dam an la awm lova, hri kai te enkawlna atan hian 4C pahnih siam a ni bawk.

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Heng bakah hian niminpiah khan Serchhip a TrueNat Laboratory atangin hri kai mi 3 hmuh an ni a, nimin lama Rapid Antigen Test hmanga hri kai hmuhchhuah kan rawn tarlan bakah hri kai mi 6 hmuh belh awmin Serchhip khawpui chhung bakah Sialsir leh Thentlang khua ah hri kai mi pakhat ve ve hmuh an ni bawk.

Nimin khan Serchhip District-a hri kai te zingah mi 25 enkawl dam an awm ve leh a, heti hian nimin tlai thlenga Serchhip District-a hri kai hmuhchhuah tawh chu 3687 niin an zinga 2857 te chu enkawl dam an ni tawh a, hri kai te zinga za zela 77.48 te chu enkawl dam an ni tawh a, tunah hian hri kai enkawllai 822 zet la awmin hri kai zingah mi 8 an boral tawh a ni.

Comments

Chhiar Hlawhte

Book of the Year hlan