Pathianni-ah hri kai mi 158 hmuh belh an ni

Pathianni khan Mizoram-ah Sample 2613 enfiah niin heng atang hian COVID-19 hri kai mi 158 hmuhchhuah an ni a, Sample enfiah te atanga za zela 6.05 te chuan hri an kai a ni.

Pathianni khan ZMC-a RT-PCR Laboratory leh Fluorescent Immunoassay Test hmanga Sample enfiah awm lovin District hrang hranga TrueNat Laboratory zingah Aizawl District-ah Sample enfiah pakhat awmin Sample enfiah awmchhun hian hri a kai thung a ni. Rapid Antigen Test hmangin Pathianni khan Sample 2612 enfiah niin heng atang hian hri kai mi 157 hmuhchhuah an ni bawk a, an zinga 110 te chu Aizawl District-a hri kai hmuhchhuah te niin Veng leh khua 44 atangin hri kai hi hmuhchhuah an ni a, Veng mal-a hri kai mi 10 hmuhchhuah tlinna a awmlo a ni. Heng bakah hian Mamit District-ah hri kai mi 27 hmuh ni bawkin Lunglei District-ah 12, Saitual District-ah mi 4 leh Kolasib leh Serchhip District-ah hri kai mi pahnih ve ve hmuh an ni bawk.

Nimin khan tlai dar 5:00 thlengin Mizoram-a hri kai te zingah mi 469 te enkawl dam an ni leh a, heti hian nimin tlai dar 5:00 thleng khan Mizoram-a hri kai hmuhchhuah chu 1,17,419 niin an zinga 1,09,396 te chu enkawl dam an ni tawh a, hei hi hri kai hmuhchhuah atanga chhutin zaa 93.17 niin hri kai enkawllai 7611 an la awm mek a ni. Nimin khan tlai dar 5:00 thlengin hri kai zingah mi pahnih boral lehin Mizoram-a hri kai te zingah mi 413 an boral ta a ni.