COVID-19 hri kai mi 740 hmuh belh leh an ni

/

Mizoram-a COVID-19 hri kai hmuhchhuah tlahniam ve leh hretin niminpiah khan Mizoram-a Sample enfiah 8112 atangin hri kai mi 740 hmuh leh an ni a, Sample enfiah zawng zawng atanga za zela 9.12 te chuan hri an kai a ni.

Niminpiah khan ZMC-a RT-PCR Laboratory-ah Sample 745 enfiah leh niin heng atang hian COVID-19 hri kai mi 142 hmuhchhuah leh an ni a, an vai hian Aizawl District atanga Sample lak vek niin Veng leh khua 41 ami te an ni a, Veng mal-a hri kai mi 10 aia tam hmuhna pahnih a awm leh bawk. Flourescent Immunoassay Test hmangin Sample 96 enfiah ni bawkin heng atang hian hri kai mi 24 hmuh an ni a, an zinga 23 te chu Aizawl District atanga Sample lak te niin an vaiin Aizawl khawpui chhung ami te an ni a, Serchhip District atangin hri kai pakhat hmuh ni bawkin PTS, Thenzawl ami a ni.

District hrang hranga TrueNat Laboratory 11-ah Sample 261 enfiah ni bawkin heng atang hian hri kai 38 hmuh an ni bawk a, an zinga 21 te chu Lunglei District atanga hri kai hmuhchhuah niin Champhai leh Mamit District atangin 5 ve ve, Siaha leh Khawzawl District atangin mi 2 ve ve leh Aizawl, Hnahthial leh Serchhip District atangin hri kai pakhat theuh hmuh an ni bawk.

Rapid Antigen Test hmanga Sample enfiah 7010 atangin hri kai mi 536 lai hmuh leh an ni bawk a, an zinga 167 te chu Aizawl District atanga hri kai hmuhchhuah niin Zemabawk-ah 26 lai hmuh an ni a. Lunglei District-ah mi 120 hmuh niin, Champhai District-ah 111 hmuh an ni bawk a, an zinga 22 te chu Dungtlang khua ami an ni. Serchhip District ah hri kai mi 50 hmuh niin Siaha District-ah 25, Mamit District-ah 23, Kolasib District-ah 15, Hnahthial District-ah 11, Saitual District-ah 6, Lawngtlai District-ah 5 leh Khawzawl District-ah hri kai mi 3 hmuh an ni bawk.

Mizoram-a hri kai enkawl zingah nimin khan tlai dar 5:00 thlengin mi 783 te enkawl dam ni lehin heti hian nimin tlai dar 5:00 thleng khan Mizoram-a hri kai hmuhchhuah chu 1,18,949 niin an zinga 1,11,544 te chu enkawl dam an ni tawh a, hei hi hri kai hmuhchhuah atanga chhutin zaa 93.77 niin hri kai enkawllai 6981 an awm mek a ni. Mizoram-a hri kai te zingah nimin khan mi 3 boral awm lehin Mizoram-a hri kai te zingah mi 424 an boral tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »