Hri kai mi 34 hmuh belh leh

Nimin khan Serchhip District-a COVID-19 hri kai mi 34 hmuhchhuah leh niin hri kai mi 64 te enkawl dam an ni thung.

Nimin a Serchhip District-a hri kai hmuhchhuah zinga 21 te chu Serchhip ami te niin Chhiahtlang-ah 3 hmuh an ni bawk a, Chhingchhip-ah hri kai mi 4 hmuh niin Thenzawl-ah 3, North Vanlaiphai-ah 2 leh hualtu-ah hri kai mi pakhat hmuh a ni bawk.

Niminpiah khan Serchhip District-a TrueNat Laboratory-ah Sample 37 enfiah ni bawkin heng atang hian hri kai mi 7 hmuh an ni bawk a, New Serchhip-ah mi 5 leh Hmar Veng leh Vengchung-ah mi pakhat ve ve te an ni.

Nimin khan Serchhip District-a hri kai mi 64 te chu enkawl dam ni ve lehin heti hian nimin tlai thlenga Serchhip District-a hri kai hmuh tawh chu 4145 an ni a, an zinga 3506 te chu en-kawl dam ni tawhin hri kai hmuhchhuah atanga za zela 84.58 te chu enkawl dam an ni tawh a. Hri kai enkawllai 630 la awmin hri kai zingah mi 9 an boral tawh bawk a ni.