Latest News

Scho chungchangah H&TE Minister in hma la

Mizoram Scholarship Board chuan Post-Matric Scholarship chungchangah H&TE Minister Dr. R. Lalthangliana chuan chak takin hma a la tih an sawi.

Mizoram Scholarship Board-a Secretary Dr. PL. Ramliana chuan Post-Matric Scholarship chungchanga harsatna tawh mek sawifiahna thuchhuah siamin, Mizoram Scholarship Board kaltlang a sem thin Tribal Scholarship hi Ministry of Tribal Afffairs in Scheduled Tribe zirlai mi harsate hnena a pek thin a ni tih a tarlang a. Mizoram sawrkar chuan Central-a Ministry in a pek vek hnuah za a sawm (10%) a tum ve chauh thin niin Ministry of Tribal Affairs in Scholarship a pekte hi Pre-Matric leh Post-Matric Scholarship te an ni a. He Scholarship hi a petu tak chu Central sawrkar a Ministry of Tribal Affairs a ni tih an tarlang.

He Scholarship hi a diltu zirlaite dilna endik vek a nih hnuah kumtin pek an nih thin thu leh Central sawrkar in a rawn pek ang zelin Mizoram sawrkar pawhin tikhawtlai lovin a p chhuak leh thin tih a sawi a. Kum 2020-21 atana Post-Matric Scholarship tur hi zirlai 15,828 te hnenah Central sawrkar in a pek tawh angin semchhuah leh vek tawh a ni. Amaherawh chu hemi kum veka zirlai 17,970 te erawh chuan Central sawrkarin a la release belh leh loh avangin an la dawng ve thei lo tih a tarlang. Hemi chungchangah hian H&TE Minister Dr. R. Lalthangliana pawhin chak taka hma la in Ministry of Tribal Affairs-ah D.O Letter te thawn in telephone in a be tawh bawk a, Ministry of Tribal Affairs Secretariat-a thawktute pawhin Mizoram harsatna hi an hrethiam tawh hle tih tarlangin, “Zirlaite pawhin kan Minister hmalakna avang hian Scholarship an la hmuh ngei a beiseiawm hle a ni,” a ti bawk.

Comments

Popular News (Last 30 Days)