Mizoram-ah PPE Suit 45,850 thui a ni tawh

State Executive Committee thuchhuak angin Lockdown vanga eizawnna bahlah puanthui te chhawmdawl nan Mizoram Commerce & Industries Department hmalakna in Mizoram hmun hrang hranga puanthui ten PPE suit 45,850 an thui chhuak tawh.

Commerce & Industries Department Director Florence Zotluangpuii sawi danin Aizawl Ceng hrang hranga puanthui ten kumin June ni 22 atang khan hmun hrang hranga CCC-a hman turin PPE Suit 45,850 an thui tawh a, heng puanthuite hi LLTF 83 te nen tangkawpa thlangchhuakin mi 608 thlanchhuah an ni. 

Florence Zotluangpuii chuan PPE suit thui nana sum hmuh chu Rs. 233,59,000 a nih thu leh PPE suit pakhat man chu Rs. 600/- niin PPE suit khat thui manah puanthuitute Rs. 150 zel pek an ni tih a sawi a, PPE suit thui zawh te chu Health Department hnena hlan hma in tih thianghlim zel a nih thu a sawi bawk. Hei bakah hian Hnar leh ka hupna Faceshield 7500 an siam tih sawi bawkin pakhat Rs. 100/- man in an siam thu a sawi bawk.

Comments

Popular News (Last 30 Days)

Serchhip DCSO sawn a ni