Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Mangaldoi (Assam)-a 3rd IR Sipai duty te tlawh

Mizoram sawrkar-a Human Resources Development Board Vice Chairman, L. Thangmawia MLA chuan Mizo 3rd IR Battalion Headquarters, Mangaldoi, Assam-a awm mek te chu nimin khan a tlawh.

Home Minister Lalchamliana nen an inbiakna angin Guwahati-a cham mek L.Thangmawia MLA hian Mizo 3rd IR Battalion sipaite hi an awmna, Mangaldoi-ah tlawhin 3rd IR Battalion Commandant B. Laldikpuia MPS chuan a lo dawngsawng a, sipaite dinhmun leh 3rd IR sipaite hnathawh dan te a lo hrilh a ni.

Mizo sipaite hian an duty piahlamah an awmna chhehvel mite tan Voluntary Service chi hrang hrang an kalpui thin a, 3rd IR Assam a an awm atang hian cheng vbc. 1.5 chuang helai mite tanpuina atan anmahni sum sengin an luangchhuak tawh a. 3rd IR Battalion Commandant hian Mizo Sipaite leh an awmna khawtual mi ten inlaichinna an neih that thu leh District Administration lam te pawhin an ngaihsak thu a lo hrilh a ni.

Anmahni tlawhtu L.Thangmawia MLA chuan Mangaldoi-a Mizo Sipaite midang tana an luangchhuak thin leh miharsa te an lo tanpui thin chu lawmawm a tih thu sawiin, hmalam hunah pawh chhunzawm zel turin a chah nghal a. Sipaiten Games and Sports Tournament an neihna atan Rs.10,000 a hlan nghal a ni.

Comments

Chhiar Hlawhte