Covid-a thi tan Kuang siam

/

Serchhip Sub-Hqrs. YMA chuan nimin khan hnatlang neiin Serchhip-a COVID-19 hri kai enkawl zinga boralte hman tur Kuang an siam.

Tunhnaiah Serchhip-a COVID-19 hri kai enkawl zingah boral an awm tak zeuh zeuh avang leh heng mite phum an nih hmaa an chhung ten an hmel an hmuh zui theihna turin a bikin heng Kuang te hi siam a ni a, he hnatlang ah hian Hmar Veng Branch YMA atangin Mistiri te hnatlang bawkin SEC Member thenkhat ten an telpui a, tun tum ah hian Kuang pahnih (2) siam niin heng kuang te hi a senso a tam deuh avangin a hmaa Branch YMA ten Kuang an pek, a thlawna hman theih ang kha chu a ni dawnlo nia thudawn a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »