Bye-Election chuh turin mi 4 in hming pelut

/

Tun thla ni 30-a Tuirial Bial Assembly bye-Election neih tur chuh tum te tana hming pekluh hun chu nimin khan khar niin inthlanna chuh tur hian mi 4 in Nomination Paper an thehlut a ni.

Tuirial Bial Assembly bye-election neih tur atan hian niminpiah lama ZMP Candidate in Nomination Paper a thehluh hnuah nimin khan rorellai MNF Party Candidate Laldawngliana chuan Nomination Paper thehlutin MYC Chairman Vanlaltanpuia MLA leh party hruaitu dangten an tawiawm a. Indian National Congress (INC) aiawha chuh tur Chalrosanga Ralte pawhin nimin khan hming pelutin Zodintluanga Ralte MLA bakah party hruaitu dang ten tawiawmin BJP atanga inthlanna chuh tura hming pelut K. Laldinthara chu Mizoram State BJP President Vanlalhmuaka leh hruaitu dangten an tawiawm bawk a ni.

Tuirial bial-a Assembly bye-election neih tura chuh tumte tana hming pekluh hun hi nimin tlai dar 3:00 khan khar a ni ta a, he inthlanna chuh tur hian mi pali (4) ten Nomination Paper thehlutin heng Nomination Paper te hi karleh Thawhtanni khian enfiah a ni anga, inhnukdawk duh te tan tun thla ni 13 thleng hun hawn a ni ang.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »