Hri kai 54 hmuh belh leh

/

Nimin khan Serchhip District-ah COVID-19 hri kai mi 54 hmuh belh niin hri kai mi 69 te enkawl dam an ni thung.

Nimin a hri kai hmuh thar zinga mi 38 te hi Serchhip khawpui chhung ami te niin New Serchhip leh IOC Veng-ah hri kai mi 8 ve ve hmuh an ni a, Vengchung-ah hri kai mi 5 hmuh niin Kanan Veng leh Bazar Veng atangin mi 4 ve ve leh Chhim Veng, Dinthar Veng leh Ramthlun Veng atangin mi pahnih theuh bakah Field Veng, Tuikhuah Veng leh Venglai atangin hri kai mi pakhat theuh hmuh an ni a. Heng bakah hian Thenzawl atangin hri kai mi 13 zet hmuh niin Chhingchhip-ah hri kai mi 3 hmuh an ni bawk.

Hetihlai hian nimin khan Serchhip District-a hri kai enkawl mi 69 te chu anmahni en-kawlna hmun atanga chhuahtir an ni ve leh a. Heti hian nimin tlai thlenga Serchhip District-a hri kai hmuhchhuah tawh chu 2913 niin an zinga 2383 te chu enkawl dam an ni tawh a, hei hi hri kai hmuhchhuah atanga chhutin zaa 81.80 a ni a, tunah hian hri kai enkawllai 524 la awmin hri kai zingah mi 6 an boral tawh a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »