Hri kai 2859 tling tawh

Serchhip District-a COVID-19 hri kai hmuh tawh chu nimin tlai thleng khan mi 2859 zet an tling tawh.

Inrinni khan Serchhip District-a TrueNat Laboratory-ah Sample 63 enfiah niin heng atang hian hri kai mi 4 hmuh niin P&E Veng-ah pahnih leh Dinthar leh Venglai-ah pakhat ve ve an ni a, Rapid Antigen Test hmanga Sample enfiah 185 atangin hri kai mi 47 hmuh ni bawkin New Serchhip leh IOC Veng atangin mi 7 ve ve, Chhiah-tlang atangin mi 6, Ramthlun Veng, Vengchung leh Zozam Veng atangin 5 theuh, Chhingchhip atangin 4, East Lungdar atangin 2 leh Keitum, Bazar Veng, Chanmari Veng, Chhim Veng, Field Veng leh Thenzawl atangin pakhat theuh an ni.

Hriat theih chinah nimin khan Serchhip District-ah hri kai mi 19 hmuh belh leh an ni a, an zinga a tam zawk te hi Serchhip khawpui chhung ami te an ni.

Inrinni khan Serchhip District-a hri kai enkawl mi 45 te enkawl dam niin nimin khan mi 40 enkawl dam leh an ni bawk a, heti hian nimin tlai dar 5:00 thlenga Serchhip District-a hri kai hmuhchhuah chu 2859 niin an zinga 2314 te chu enkawl dam an ni tawh a, hei hi hri kai hmuh te atanga chhutin za zela 80.93 niin tunah hian hri kai enkawllai 539 an la awm mek a, hri kai te zingah nunna chan mi 6 an awm tawh bawk a ni.